Viltu móta framtíðina í þjálfun flugleiðsöguþjónustu – leitum eftir kennsluráðgjafa

Þjálfun Isavia ANS leitar að öflugum og metnaðarfullum einstaklingi í fullt starf kennsluráðgjafa sem vill taka virkan þátt í að móta framtíð þjálfunar í flugleiðsöguþjónustu. Um er að ræða fjölbreytt, krefjandi og áhrifamikið starf hjá framsækinni þjálfunardeild sem ber ábyrgð á ný- og síþjálfun um 300 sérfræðinga, þar á meðal, flugumferðarstjóra, flugfjarskiptamanna, flugradíómanna, fluggagnafræðinga og tæknifólks.

Kennsluráðgjafi gegnir lykilhlutverki í að þróa og styrkja kennsluhætti, efla faglegt kennsluumhverfi og styðja við stöðuga nýliðun og færniþróun innan greinarinnar. Starfið felur í sér náið samstarf við kennara, þjálfunarstjóra og stjórnendur, þar sem unnið er markvisst að framtíðarsýn þjálfunar.

• Kennslufræðileg þróun, ráðgjöf og stuðningur við kennara
• Ráðgjöf til stjórnenda varðandi skipulag fræðslu, kennsluhætti og miðlun upplýsinga
• Gerð og þróun námsefnis og leiðbeininga á sviði kennslu og þjálfunar
• Umsjón með kennslu- og námsumsjónarkerfum þjálfunar
• Framkvæmd kennslumats og eftirfylgni með gæðum, samræmi og varðveislu námsefnis
• Samskipti og upplýsingagjöf varðandi kennslu og nám innan þjálfunardeildar
• Þátttaka í verkefnum deildarinnar, m.a. við skipulagningu kennsluhalds, prófa, skráningar o.fl.

• Háskólamenntun sem nýtist í starfi
• Reynsla af kennsluráðgjöf, þróun kennsluhátta eða sambærilegu starfi
• Þekking og reynsla af skipulagningu fræðslu og kennslu
• Reynsla af fjarkennslu- og námsumsjónarkerfum
• Framúrskarandi samskiptahæfileikar og geta til miðlunar upplýsinga á árangursríkan hátt
• Frumkvæði í starfi, sjálfstæð vinnubrögð og reynsla af verkefnastjórnun
• Mjög góð tölvukunnátta
• Góð íslensku- og enskukunnátta, bæði í ræðu og riti