Framkvæmdarstjóri
Framkvæmdastjóri hefur með höndum yfirframkvæmdastjórn allrar daglegrar starfsemi skv. stefnu og fyrirmælum stjórnar. Daglegur rekstur nær ekki til ráðstafana sem eru óvenjulegar eða mikilsháttar. Hann hefur ákvörðunarvald um öll rekstrar- og fjárhagsleg málefni félagsins og hefur umsjón með eignum þess. Framkvæmdastjóri gerir stjórn grein fyrir starfsemi félagsins og afkomu á stjórnarfundum og ber ábyrgð gagnvart stjórn á hinum daglega rekstri og að í öllu sé farið eftir samþykktum félagsins, lögum og reglum.
Kjartan Briem tók við sem framkvæmdastjóri í janúar 2021.
Kjartan Briem er rafmagnsverkfræðingur M.Sc.EE. frá Danmarks Tekniske Universitet (DTU) með áherslu á fjarskipti. Kjartan hefur langa reynslu af alþjóðlegum samskiptum og starfaði í rúma tvo áratugi á fjarskiptamarkaðnum á Íslandi, lengst af sem stjórnandi á tæknisviði. Nú síðast starfaði hann sem framkvæmdastjóri tæknisviðs hjá Vodafone á Íslandi.
Stjórn Isavia ANS
Stefán Sigurðsson, stjórnarmaður frá 2021 og stjórnarformaður Isavia ANS, er hagfræðingur frá Háskóla Íslands 1996 og með MsC. gráðu á sama sviði frá Kaupmannahafnarháskólanum árið 2006. Stefán var forstjóri Sýnar, Vodafone á Íslandi á árunum 2014-2019 og þar á undan framkvæmdastjóri eignastýringar Íslandsbanka í sex ár, frá 2008-2014, þar sem hann var sérstakur ráðgjafi bankastjóra um stefnumótun, átti sæti í framkvæmdastjórn bankans og ýmsum nefndum. Stefán er óháður stjórnarmaður.
Valgerður Hrund Skúladóttir, fædd 1963, stjórnarmaður frá 2025, er rafmagnsverkfræðingur frá Háskóla Íslands 1987 og MBA frá University of Miami 1989. Valgerður var einn af stofnendum Sensa árið 2002 og gengdi störfum framkvæmdastjóra frá byrjun þar til í lok ágúst 2025. Áður starfaði Valgerður m.a. hjá Tæknivali 1994-2001, síðast sem framkvæmdastjóri Kjarnasviðs. Valgerður sinnir nú m.a. ráðgjöf og sinnir stjórnarstörfum. Valgerður er óháður stjórnarmaður.
Árni Birgisson, stjórnarmaður frá 2022, er með B.ed. próf frá Kennaraháskóla Íslands 1995. Árni vann hjá Almannavörnum ríkisins sem sviðsstjóri samhæfingarsviðs frá 1996-2000 og sem upplýsingafulltrúi hjá Slysavarnafélaginu Landsbjörgu 2000-2001. Árið 2001 hjá forverum Isavia ohf og starfar nú sem sérfræðingur í þjónustugæðum hjá Isavia. Árni er skipaður í stjórn af Isavia samstæðunni.