Aðstoð í mötuneyti - tímabundin ráðning

Isavia ANS er með gott mötuneyti á starfsstöð sinni í Reykjavík og við erum að leita eftir kraftmiklum og þjónustulunduðum einstaklingi til að bætast við teymið þar tímabundið til áramóta, með möguleika á framlengingu.

Við leitum eftir einstaklingi sem tekur þátt í því að skapa góða liðsheild, stuðla að uppbyggjandi menningu og góðum samskiptum.

Starfið getur verið 80-100% staða. Vinnutími er frá 7:00 - 14:00 / 15:00.

Ákjósanlegast væri að viðkomandi gæti hafið störf fyrir 1. september 2025.

Isavia ANS er staðsett á Reykjavíkurflugvelli, Nauthólsvegi 66.

Helstu verkefni og ábyrgð

• Aðstoð við matreiðslu í samráði við matreiðslumann
• Framreiðsla á morgunmat
• Framreiðsla á hádegismat, salatbar og súpu í samráði við matreiðslumann
• Aðstoð við innkaup í samráði við matreiðslumann
• Frágangur, uppvask og dagleg þrif í eldhúsi og matsal
• Áfyllingar á kaffivélar, kæla og annað sem þarfnast áfyllingar
• Aðstoð við móttöku og frágang á vörum
• Aðstoð við undirbúning og frágang veitinga á fundum
• Önnur tilfallandi verkefni

Menntunar- og hæfniskröfur

• Áhugi á fjölbreyttri og hollri matargerð
• Sjálfstæð og skipulögð vinnubrögð
• Þjónustulund og áhugi á að vinna vel í teymi
• Reynsla af starfi í mötuneyti eða eldhúsi er kostur
• Hreint sakavottorð
• Gott vald á íslensku og/eða ensku