Isavia ANS hefur gefið út áætlun um innleiðingu hæfnibundinnar leiðsögu (PBN) fyrir Ísland í skjalinu PBN Transition plan for ICELAND í samræmi við reglugerð 444/2020 og framkvæmdareglugerð framkvæmdastjórnar ESB 2018/1048.
„Innleiðing hæfnibundinnar leiðsögu á Íslandi felur í sér aukið öryggi við gerð flugferla,“ segir Kjartan Briem, framkvæmdastjóri Isavia ANS.
Við gerð staðlaðra leiðar-, aðflugs- og brottflugs flugferla verður ekki lengur byggt á óstefnuvirkum vitum þ.e. radíóvitum (NDB vitum eða Non-directional beacons) heldur þeirri tækni sem felst í GNSS kerfi (Global Navigation Satellite System), þ.e. hnattrænt leiðsögukerfi til staðsetningar.
Áætlunin, sem unnin var í samráði við notendur og flugvelli, er uppfærð árlega að hausti.
