Isavia ANS hefur undanfarin ár unnið að samfelldri lækkun (e. Continuous Descent Approach (CDA)) flugvéla á leið til lendingar á Keflavíkurflugvelli með innleiðingu flugferla byggða á notkun GNSS og verklagsbreytinga fyrir flugumferðarstjóra sem miðað að því að minnka útblástur CO2 og eldsneytiseyðslu auk þess að minnka hávaðmengun í nágrenni vallarins. Mikill árangur hefur náðst eins og sést vel í mælikvörðum Icelandair.
Til að uppfylla skilgreiningu á CDA má ekki stoppa lengur en eina mílu í hæð frá því lækkun hefst (TOD) og niður í 3000 fet nema um sé að ræða „aerodynamic step“ þegar hægt er á vélinni og afl helst undir 50% á meðan.
![](/_next/image?url=https%3A%2F%2Fimages.prismic.io%2Fans-isavia%2Fc0801b3e-d454-4117-af95-c8da45d10e03_CDA%2BPerformance%2B-%2BBIKF.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1200%26h%3D397&w=3840&q=80)
Þegar litið er á CDA árangur Icelandair í Keflavík má sjá miklar framfarir. Að meðaltali náðist CDA í rúmlega 50% aðflugs að Keflavíkurflugvelli árið 2016 en nú er CDA komið yfir 80%.