Eldgos er hafið á Reykjanesskaga, það hefur ekki áhrif á flugumferð á þessu stigi. Isavia ANS fylgist náið með þróun mála í samstarfi við viðeigandi stofnanir.
Nánari upplýsingar má finna á vedur.is og almannavarnir.is
Isavia ANS rekur sértæka þjálfundardeild fyrir flugumferðarstjórn, flugfjarskipti, fluggagnafræði og flugupplýsingaþjónustu.
Isavia ANS annast rekstur íslensku flugleiðsöguþjónustunnar og er stærsti starfsvettvangur flugumferðastjóra á Íslandi. Flugumferðarstjórar stýra flugumferð á flugvöllum á Íslandi og í íslenska flugstjórnarsvæðinu sem er eitt það stærsta í heiminum.
Isavia ANS hefur áratuga langa reynslu af þjálfun og menntun flugumferðastjóra.
Til þess að hefja nám í flugumferðarstjórn þurfa einstaklingar:
Með umsókn skal fylgja afrit af prófskírteini og einkunnum úr námi.
Nám hjá Isavia ANS í flugumferðarstjórn er frábrugðið flestu námi. Námið skiptist í þrjá hluta; grunnnám, áritunarnám og starfsþjálfun og stífar kröfur eru gerðar um námsárangur í hverjum hluta.
Grunnnám er kennt í staðnámi og stendur yfir í um 25-30 vikur. Grunnnámið skiptist í undirstöðu-og réttindaþjálfun sem eru bókleg og verkleg kennsla sem samanstendur af námskeiðum um flugleiðsögu, veðurfræði, flugleiðsögukerfi, flugvélar, mannþáttafræði, lög flugleiðsögu, vinnuumhverfi flugumferðarstjóra og fleira.
Að loknu grunnnámi hefst áritunarnám. Áritunarnámið er kennt í staðnámi og samanstendur af fyrirlestrum og æfingum í flugstjórnarhermi. Einhver munur er á lengd námsins eftir því á hvaða starfsstöð viðkomandi er valinn á.
Deildarþjálfun samanstendur af bóklegri og verklegri kennslu hjá Þjálfun og í framhaldi af því starfsþjálfun á starfsstöð. Starfsþjálfunin er einstaklingsmiðuð og er lágmarks og hámarkstími tilgreindur í þjálfunaráætlun, en ætla má að heildarnámstími til réttinda se u.þ.b 2 ár. Í starfsþjálfun fer nemi inn á vaktir og starfar undir handleiðslu flugumferðarstjóra. Í starfsþjálfun þarf nemi að uppfylla ákveðin framfaramöt reglulega sem hluta af námi sínu. Á meðan nemi er í starfsþjálfun fær hann greiddan mánaðarlegan námsstyrk. Isavia ANS innheimtir engin skólagjöld.
Nám í flugfjarskiptum er sérhæft nám og er eingöngu ein slík starfsstöð á Íslandi.
Helstu verkefni flugfjarskiptamanna er að miðla heimildum, taka við heimildabeiðnum, veðurlestur, taka við staðarákvörðunum og tíðniúthlutun. Starfið er fjölþætt og þurfa því flugfjarskiptamenn að standast árlega síþjálfun og hæfnismat.
Til að hefja nám í flugfjarskiptum þurfa einstaklingar að:
Námið skiptist í 2 hluta:
Störf fluggagnafræðinga felast m.a. í vöktun flugstjórnarkerfa fyrir flugstjórnarmiðstöð, samskiptum við flugrekendur, flugafgreiðsluaðila og flugmenn vegna flugáætlana o.m.fl. Fluggagnafræðingar sjá svo um afleysingu NOTAM skrifstofu þegar forföll verða og utan dagvinnutíma.
Þeim sem standast lokaprófin verður boðið starf fluggagnafræðings. Unnið er á dag- og næturvöktum.
Menntunar- og hæfniskröfur:
Námið skiptist í 2 hluta
Nemendur eru á launum á námstímanum.
Starfið er mjög fjölbreytt og í stöðugri þróun og fara fluggagnafræðingar í síþjálfun nokkrum sinnum á ári til að halda sér við og læra nýjungar. Á 3.ára fresti þurfa fluggagnafræðingar að standast hæfnismat.
Flugradíómenn veita flugupplýsingaþjónustu á óstjórnuðum flugvöllum í umsjón Isavia um allt land.
Flugradíómaður ber ábyrgð á að veita örugga og skilvirka flugupplýsingaþjónustu við flugvelli, gerð og dreifingu veðurathuganna auk viðbúnaðarþjónustu. Hann er ábyrgur gagnvart þeirri umferð sem tilheyrir hans vinnustöðu og vinnur samkvæmt gildandi reglum og fyrirmælum.
Til þess að hefja nám í flugupplýsingaþjónustu og fá hæfnismat sem flugradíómaður þarf viðkomandi að hafa sótt um starf sem slíkur að undangenginni atvinnuauglýsingu.
Inntökuskilyrði:
AFIS grunnnámskeið samanstendur af:
Að loknu námi hjá Þjálfun Isavia ANS, starfsþjálfun á viðkomandi flugvelli og hæfnismati er flugradíómaður tilbúinn til starfa við flugupplýsingaþjónustu á viðkomandi flugvelli.