Veðurþjónusta á flugvöllum

Veðurþjónusta á flugvöllum

Isavia hefur umsjón með veðurathugunum á flestum flugvöllum landsins. Starfsmenn Isavia eða skilgreindir samstarfsaðilar sjá um veðurþjónustu sem felst

ýmist í gerð og dreifingu reglulegra veðurskeyta eða veðurupplýsingum samkvæmt beiðni. Á nokkrum stöðum er hægt að hringja í sjálfvirkar veðurstöðvar

á flugvöllunum eða í nágrenni þeirra. Í Keflavík, Akureyri og Reykjavík eru útbúin sérstök skeyti sem dreift er í flugvallarútvarpi staðarins, ATIS.

Flugvellir á vegum Isavia eru misjafnlega búnir veðurtækjum og -viðmótum, og því getur verið munur á því hvað birtist undir sérhverjum flugvelli.

Upplýsingar um veður á flugvöllum og í nágrenni þeirra

Fyrir sérhvern flugvöll er birt allt í senn; rauntímaupplýsingar, veðurlýsingar, veðurspár og viðvaranir.

Rauntímaupplýsingar eru bein birting eða lestur frá mælitækjum flugvallanna ásamt veðri og færð frá Vegagerðinni

Veðurlýsingar fyrir flugvellina eru útbúnar á skeytaformi (METAR og SPECI) og einnig lesnar inn í flugvallarútvarp ATIS.

Veðurspár VÍ birtast á skeytaformi (TAF), í spáriti, eða hitariti. Viðvaranir fyrir flug eru á skeytaformi (SIGMET)

Fyrirvarar á veðurupplýsingum

Isavia undirstrikar eftirfarandi vegna opinberrar birtingar á rauntímaupplýsingum frá mælitækjum flugvalla:

Þessi gögn eru eingöngu ætluð sem ítarefni við þær veðurupplýsingar sem gefnar eru út frá tilgreindum flugvöllum, eins og METAR og SPECI, en koma alls ekki í staðinn fyrir þær.

Athuga ber að öll gögnin eru óyfirfarin rauntímagögn og ábyrgist Isavia ekki að þau séu ávallt aðgengileg og uppfærð. Mæligildi eiga að uppfærast sjálfvirkt á tveggja mínútna fresti.

Veðurathuganir úr veðurstöðvum eiga að uppfærast sjálfvirkt á hálftíma fresti. Aukalegar sjálfvirkar veðurathuganir birtast við skyndileg veðrabrigði sem fara yfir ákveðin mörk.